IQAA Президенті жоғары мемлекеттік марапаты "Құрмет" орденімен марапатталды

2021 жылғы 10 желтоқсанда Қазақстан Республикасы Тәуелсіздігінің 30 жылдығына орай "Білім беру сапасын қамтамасыздандыру бойынша тәуелсіз агенттік (IQAA)" Президенті Ш.М. Каланова Қазақстан Республикасында жоғары білім және халықаралық аккредиттеуді дамытуға қосқан елеулі үлесі үшін жоғары мемлекеттік марапат "Құрмет" орденімен марапатталды. Марапат Нұр-Сұлтан қаласының әкімі А. С. Кульгиновпен табысталды.

Профессор, п.ғ.д. Ш. М. Каланованың білім және ғылым саласындағы Қарағанды мемлекеттік университетінің, Центросоюз кооперативтік институтының кіші ғылыми қызметкері, аға оқытушысы, доценті, Қызылорда агроөнеркәсіп өндірісі инженерлері институтының оқу-әдістемелік жұмыс жөніндегі проректоры, Жамбыл университетінің және М. Х. Дулати атындағы Тараз мемлекеттік университетінің оқу ісі жөніндегі проректоры, ҚР Білім Министрінің кеңесшісі, мемлекеттік инспекциялау және мониторинг департаменті директорының орынбасары, ҚР БҒМ әкімшілік департаменті директорының орынбасары, ҚР БҒМ Ұлттық аккредиттеу орталығының директоры, ҚР Президенті Әкімшілігінің Стратегиялық әзірлемелер және талдау орталығының орынбасары дейінгі қызметтерінен алған кәсіби жолы мен сіңірген еңбегі құрметке лайық.

Шолпан Мұртазқызы ГДР-да (Берлиндегі Гумбольдт университеті және ГДР Ғылым Академиясы) 10 айлық ғылыми тағылымдамадан, АҚШ-та 3 айлық тағылымдамадан (Блумингтондағы Индиана университеті) және Оңтүстік Кореядағы білім беру жүйесі бойынша бір айлық тағылымдамадан (Сеул, KOICA) өтті.

Ш.М. Каланова ҚР БҒМ-нің "Ақпараттық-талдау орталығы" АҚ құруды ұйымдастырушылардың бірі және оның бірінші басшысы болып табылады.

ҚР БҒМ жұмысы кезінде оның белсенді қатысуымен Қазақстан Республикасында білім беруді дамытудың 2005-2010 жылдарға арналған мемлекеттік бағдарламасының "Білім сапасын бағалаудың ұлттық жүйесі" бөлімі әзірленді.

Ш.М. Каланова Қазақстан Республикасы Президентінің Әкімшілігінде жұмыс істеген кезеңде Қазақстан Республикасында білім беруді дамытудың 2011-2020 жылдарға арналған мемлекеттік бағдарламасын пысықтауға және мерзімінде енгізуге дербес жауапты болды. Ш.М. Каланованың бастамасымен және ҚР БҒМ қолдауымен 2011-2020 жылдарға арналған мемлекеттік бағдарламаға орта, техникалық, кәсіптік және жоғары білім бөлімдеріне өзгерістер енгізілді. Ол Қазақстан Республикасының 2020 жылға дейінгі Стратегиялық даму жоспарын әзірлеуге қатысты. Каланова Ш. М. 2011 жылы ҚР Үкіметі жанындағы жұмыс тобының мүшесі бола отырып, "Ғылым туралы" ҚР Заңын әзірлеуге белсенді қатысты.

2017-2018 жылдары "Қазақстан Республикасының кейбір заңнамалық актілеріне жоғары оқу орындарының академиялық және басқарушылық дербестігін кеңейту мәселелері бойынша өзгерістер мен толықтырулар енгізу туралы" ҚР заң жобасын әзірлеу кезінде жұмыс тобының сарапшысы болды.

"Ақпараттық-талдау орталығы" АҚ-ның басшысы болып жұмыс істей отырып, Ш.М. Каланова Қазақстанның халықаралық ұйымдармен ынтымақтастық құруына көп көңіл бөлді, оның жеке қатысуымен ҚР БҒМ мен ЭЫДҰ білім комитеті арасындағы ынтымақтастық туралы алғашқы үш шартқа қол қойылды. Қазақстан Республикасының орта білім беру бойынша алғашқы халықаралық шолуды ЭЫДҰ сарапшылары оның тікелей қатысуымен дайындады.

Қаланова Шолпан Мұртазқызы - Қазақстандағы білім беру ұйымдарын тәуелсіз аккредиттеу рәсімін және жоғары оқу орындарының Қазақстандық ұлттық рейтингін енгізудің пионері. 2008 жылы Ш.М. Каланова Қазақстан Республикасында білім беру сапасын қамтамасыз ету бойынша алғашқы тәуелсіз агенттік құрды.

2018 жылы ТМД елдерінің аумағында алғаш рет Агенттік Ш.М. Каланованың басшылығымен ENQA Еуропалық аккредиттеу агенттіктерінің Бас ассамблеясын өткізді. 2021 жылдың қазан айында INQAAHE Бас Ассамблеясы 2023 жылы INQAAHE конференциясын өткізу үшін Білім беру сапасын қамтамасыздандыру бойынша тәуелсіз агенттікті (IQAA) ұйымдастырушы ретінде таңдады.

IQAA бүкіл ұжымы үшін "Құрмет" орден марапаты - бұл еңбектің табыстылығы мен нәтижелілігін растау және Агенттік қызметінің маңызды нәтижелерін тану болып табылады.

IQAA ұжымы Агенттіктің президенті Шолпан Мұртазқызы Қаланованы "Құрмет" орден марапатымен шын жүректен құттықтайды және бақыт, денсаулық, ұзақ өмір және агенттік үшін және бүкіл білім беру жүйесі үшін ең маңызды жобаны  - білім беру ұйымдары мен барлық деңгейдегі білім беру бағдарламаларын халықаралық аккредиттеуді іске асыруда табыс тілейді!