Жыл сайынғы жақсы дәстүрді жалғастыра отырып, Білім беру сапасын қамтамасыздандыру бойынша тәуелсіз агенттігінің (IQAA) қызметкерлері А.Қ. Құсайынов атындағы Еуразия гуманитарлық институтының (ЕАГИ) ерікті студенттерімен бірлесіп, Астана қаласының жалғыз басты зейнеткерлері мен мүгедектерін тағы да қуантты.
16 желтоқсанда Қазақстан Республикасының Тәуелсіздік күнімен және келе жатқан Жаңа жылмен құттықтай отырып, қызметкерлер мен студенттер 100 жалғызбасты қарттар мен мүгедектерге азық-түлік сөмкелерін таратты.
Олардың көпшілігі Агенттіктің осындай ілтипатына бірнеше жылдан бері ие болып келеді және агенттік оларды ұмытпағаны үшін басшылық пен қызметкерлерге шын жүректен алғыс айтады және, әлбетте, бұл "жаңа жылдық ғажайыпты" олар жыл сайын күтеді. Өйткені, әр адам, әсіресе қартайған кезде немесе психикалық және физикалық әлсіз күйде, оны есте сақтайтынын және оған қамқорлық жасайтынын екенін білуі керек.
Агенттік сөмкелерді тасымалдау үшін тоғыз таксиге тапсырыс берді. Ал салмағы 12 кг-нан асатын әрбір сөмкеге мынадай азық-түлік өнімдері салынды: бұқтырылған жылқы еті, күріш, қарақұмық, макарон, сұлы жармасы, жасыл бұршақ, күнбағыс майы, сары май, Ламбер ірімшігі, сүт, қара шай, алма, банан, мандарин, қазақстандық шоколад және жаңа жылдық сыйлық.
IQAA басшылығы осы қайырымдылық акцияның барлық қатысушыларына – агенттік қызметкерлеріне, А.Қ. Құсайынов атындағы Еуразия гуманитарлық институтының ректоры - Исмаилов Амангелді Жақсылықұлына және оның студенттеріне, Астана қаласы әкімдігінің "Шарапат" әлеуметтік қызмет көрсету орталығының ұжымына және "Мәскеу" БО-дағы "Small" дүкенінің басқарушысы - Тұрғанбаева Гүлнар Үсенханқызына өз үлестерін қосқаны үшін алғыс білдіреді. IQAA сегізінші рет жүзеге асырылып жатқан бұл жақсы дәстүрді кейінгі жылдары да жалғастыруға тырысады!
Толық фото есеп Facebook-тің ресми парақшасында қол жетімді.
Министерство науки и высшего образования Республики Казахстан
Министерство образования и науки Кыргызской Республики
