IQAA Бақылау кеңесінің отырысы өтті.

2026 жылғы 1 қазанда профессор Ж.А. Күлекеевтің төрағалығымен Бақылау кеңесінің отырысы өтті. Іс-шараға IQAA Бақылау кеңесінің мүшелері қатысты:

1. Күлекеев Жақсыбек Әбдірахметұлы – IQAA Бақылау кеңесінің төрағасы, профессор, Қазақстан Республикасы Президенті жанындағы Реформалар жөніндегі жоғары кеңестің мүшесі, Қазақстан Республикасы Президенті Әкімшілігінің Әлеуметтік-экономикалық реформаларды талдау және мониторингтеу орталығының мүшесі, Қазақстан Республикасы Үкіметі жанындағы Жоғары ғылыми-техникалық комиссияның мүшесі, «ҚазМұнайГаз» ҰК» АҚ Басқарма төрағасының кеңесшісі.
2. Франци Демшар – физика-математика ғылымдарының докторы, словениялық саяси және мемлекеттік қайраткер, дипломат, физик-ғалым, Словенияның жоғары білім сапасын қамтамасыз ету агенттігінің (NAKVIS) директоры.
3. Каланова Шолпан Мұртазқызы – профессор, IQAA президенті.
4. Тасмағанбетов Ғани Мерғалиұлы – Астана қаласындағы «EL DEVELOPMENT» ЖШС директоры, жұмыс берушілер өкілі.

Күн тәртібіне сәйкес келесі мәселелер қаралып, бекітілді:

• Агенттіктің 2026 жылдың бірінші жартыжылдығындағы қызметінің қорытындылары;
• IQAA Аккредиттеу кеңесінің құрамы.

Агенттік президенті, профессор Ш.М. Каланова IQAA-ның 2026 жылдың бірінші жартыжылдығындағы сын-қатерлері мен жетістіктері туралы есепті, сондай-ақ ағымдағы жылдың екінші жартыжылдығына арналған жұмыс жоспарларын таныстырды.

Атқарылған жұмыс туралы ұсынылған ақпараттың мазмұндылығы, Агенттік қызметінің стратегиялық басымдықтары бойынша жасалған негізгі қорытындылар, сондай-ақ Аккредиттеу кеңесі құрамының жоғары кәсіби біліктілігі атап өтілді.