2025 жылғы 17 қаңтарда Астана қаласында Ғылым және жоғары білім саласындағы сапаны қамтамасыз ету Комитетінің "Жоғары білім сапасын қамтамасыз ету: жай-күйі және даму перспективалары" атты форумы өтті. Іс-шараға Қазақстан Республикасы Ғылым және жоғары білім министрлігінің өкілдері, ЖОО ректорлары мен проректорлары, ғылыми кадрларды даярлау жөніндегі бөлімшелердің, аккредиттеу агенттіктерінің басшылары, диссертациялық кеңестердің бас редакторлары мен төрағалары қатысты.
Форум пленарлық отырыс пен екі тақырыптық сессиядан құралды: "Ғалымның жариялау стратегиясы" және "Мемлекеттік бақылау мәселелері". IQAA қызметкерлері ҚР БҒМ ғылым және жоғары білім саласындағы сапаны қамтамасыз ету комитеті төрағасының орынбасары А.Еділханов модераторлық еткен "Мемлекеттік бақылау мәселелері" тақырыптық сессиясына қатысты.
Сессияда жоғары және жоғары оқу орнынан кейінгі білім беру жүйесін реттеу тетігінің, жоғары оқу орындарын аккредиттеудің негізгі мәселелері, сондай-ақ QS рейтингіндегі қазақстандық жоғары оқу орындарының динамикасы талқыланды.
TҚР Ғылым және жоғары білім министрі Саясат Нұрбек министрлік жұмысының нәтижелерін ұсынып, жоғары және жоғары оқу орнынан кейінгі білім беруді одан әрі дамыту жоспарларын баяндай отырып, пленарлық сессия ашты. Форум барысында білім беру және аккредиттеу сапасы саласындағы жаңа үрдістер мен халықаралық тәжірибені ұсынған Министрлік өкілдері, халықаралық сарапшылар сөз сөйледі.
Форум қорытындысы бойынша жоғары білім сапасын жақсарту және сапаны қамтамасыз етудің маңызды құралдарының бірі ретінде аккредиттеу рөлін нығайту саласында одан әрі жұмыс істеу бағыттары айқындалды.
Қазақстан Республикасы 
Қырғыз Республикасы Білім және ғылым министрлігі 
