2023 жылғы 13 қазанда Білім беру сапасын қамтамасыздандыру бойынша тәуелсіз агенттік (IQAA) Қазақстан Республикасы Ғылым және жоғары білім министрлігінің қолдауымен Агенттіктің 15 жылдығына арналған «ЖОҒАРЫ БІЛІМДЕГІ ТРАНСФОРМАЦИЯЛАУДЫҢ ЖАҢА ЖОЛДАРЫ» тақырыбындағы білім сапасын қамтамасыз ету жөніндегі VI Еуразиялық форумды гибридті (онлайн және офлайн) форматта М.С.Нәрікбаев атындағы КАЗГЮУ университеті негізінде (Астана қ.) ұйымдастырды.
Биыл жыл сайынғы Еуразиялық форум Агенттіктің 15 жылдығымен тұспа-тұс келді. Форумға Қазақстан, Ресей, Өзбекстан, АҚШ, Испания және Эстония мемлекеттерінен 60-тан астам университеттері мен білім саласындағы ұйымдарынан 220-дан астам адам (112 офлайн және 111 онлайн) қатысты.
Форумның «Жоғары білімдегі трансформациялаудың жаңа жолдары» тақырыбы екі сессиядан тұрды:
- Университеттің цифрлық мәдениеті
- Микрокредиттер және микро біліктіктер
«Университеттің цифрлық мәдениеті» атты бірінші сессиясы Maqsut Narikbayev University (ҚазГЮУ) провосты (ректоры) – Сергей Геннадьевич Пен «Университеттің цифрлық мәдениеті және оның академиялық саясатқа әсері» атты баяндамасымен және Narxoz университетінің Президенті – Мирас Мұхтарұлы Дауленов «Жасанды интеллект дәуірінде жоғары білім қалай өзгереді» атты баяндамасымен Қазтұтынуодағы Қарағанды университетінің ректоры – Ерқара Балқараұлы Аймағамбетовтың модераторлық етуімен басталды. Спикерлердің жасанды интеллект және оның ЖОО-дарының болашақ өміріндегі рөлі, заманауи жасанды интеллект ЖОО-дарының алға қойған мақсаттарына сәтті жету үшін шаралар қабылдауға қалай мүмкіндік беретіні туралы баяндамаларын тыңдаушылар ерекше ықыласпен қабылдады. IQAA президенті Қаланова Шолпан Мұртазқызы INQAAHE басқармасы атынан Сергей Пен мен Мирас Дәуленовты 2023 жылдың 30 мамырында Астана халықаралық қаржы орталығында өткен INQAAHE 2023 халықаралық конференциясында жоғары деңгейде баяндама жасағаны үшін олар уақытында ала алмаған сыймен марапаттады.
Сергей Пен
Мирас Дауленов
INQAAHE сыйымен марапаттауы
Келесі кезекте IQAA президенті Шолпан Мұртазқызы Каланованың модераторлық етуімен онлайн түрде келесі спикерлер сөз сөйледі::
- Dr. Джамиль Салми – жоғары білім саласындағы әлемге әйгілі халықаралық сарапшысы, Бостон колледжінің жоғары білім беру орталығының (АҚШ) басқарма мүшесі, CHEA (АҚШ) Жоғары білімді аккредиттеу кеңесінің халықаралық тобының консультативтік кеңесінің мүшесі, «21 ғасырдағы оқытудың жаңа үлгілері және жаңа біліктіліктері» тақырыбындағы презентациясында мамандарды даярлау мен біліктіліктерді үйретудің жаңа көзқарасын ұсынды. Студент алдымен бір университетте оқып, екіншісінде өндірісте жұмыс істеп, үшінші оқу орнында диплом алады, қазіргі студенттердің білімі осылай өзгеруде.
- Бақыт Ахатұлы Жәутіков – Сәтбаев университетінің Басқарма мүшесі – оқу ісі жөніндегі проректоры, «Қазіргі кезеңдегі ұлттық техникалық университеттегі жоғары білімді трансформациялау» баяндамасында цифрлық университеттің қазіргі үлгісімен, оның даму жолдарымен, Сәтбаев университетінің зерттеу хабының құрылымы мен жұмыс істеу принциптерімен таныстырды.
- Лаззат Қалымбекқызы Еркінбаева – әл-Фараби атындағы Қазақ ұлттық университетінің Басқарма мүшесі – оқу ісі жөніндегі проректоры, «Цифрлық білім беру ортасы: Әл-Фараби атындағы ҚазҰУ тәжірибесі» атты баяндамасын цифрлық трансформация, тиімді ақпарат және білім беру жүйесін құру, білім беру платформаларын пайдалану, цифрлық білім беру технологиялары саласындағы жобаларды әзірлеу, жасанды интеллект жүйелерін пайдалану мәселелеріне арнады.
Dr. Джамиль Салми
Бақыт Жәутіков
Лаззат Еркінбаева
Форумның «Микрокредиттер және микро біліктіліктер» атты екінші сессиясы да аса қарқынды түрде өтті. Отандық және шетелдік спикерлер өз университеттері мен аккредиттеу агенттіктерінің тәжірибесімен бөлісті. Атап айтқанда, сессияның бірінші жартысында «Атамекен» ҰКП Адами капиталды дамыту және бизнестің әлеуметтік саясаты комитетінің төрағасы Талғат Қазкенұлы Доскенов келесі баяндамашылармен таныстырды::
- Бауыржан Құмарғалиұлы Нұрахметов – Алматы технологиялық университетінің бірінші проректоры «Алматы технологиялық университетінің тәжірибесіне негізделген микрокредиттер және микробіліктілік заманауи білім беру үрдісі» тақырыбындағы баяндамасымен әлемдік тәжірибе мен бүгінгі күннің өзекті мәселелеріне тоқталды, микробіліктілікті енгізудегі Қазақстандағы жағдай, микробіліктілікті дамыту тенденциялары бойынша зерттеулердің нәтижелері және «АТУ» АҚ микробіліктілік бағдарламаларын іске асыру тәжірибесі ұсынды.
- Эстер Хуэртес – Каталондық аккредиттеу агенттігінің (Испания) сапаны қамтамасыз ету бөлімінің басшысы «Жұмыспен қамтамасыз ету мақсатында кәсіптік оқытуға арналған микрокредиттер. Жоғары білім сәйкес рөл атқара ала ма?» баяндамасында «өмір бойы білім алу» тенденциясын, микрокредиттер мәселелерін, қысқаша оқыту бағдарламаларын пайдалану ерекшеліктерін, оларды бағалау және аккредиттеу мүмкіндіктерін қарастырды..
Бауыржан Нұрахметов
Эстер Уэртес
Қожа Ахмет Яссауи атындағы Халықаралық қазақ-түрік университетінің ректоры Темірбекова Жанар Амангелдіқызының төрағалығымен өткен сессияның екінші жартысында келесі баяндамашылар сөз сөйледі:
- Лиа Лаури – Эстония аккредиттеу агенттігінің департамент басшысы «Сапаны таңбалау және бағалау» тақырыбындағы презентация барысында цифрлық оқытудың негізгі мәселелерін, оқуда цифрлық құралдарды пайдалануды, электрондық курстарды әзірлеу бойынша ұсыныстарды және олардың сапасының критерийлерін талқылады.
- Искаков Ринат Маратұлы – С.Өтебаев атындағы Атырау мұнай және газ университетінің ғылым және инновациялар жөніндегі проректоры «Атырау мұнай және газ университетінің дуалды тәсілдер арқылы компаниялардан микрокредиттер және микро біліктіліктер» тақырыбында баяндама жасады. Ол дуалды білім берудің артықшылықтары, дуалді бағдарламалар модульдерінің форматтары және олардың баламасы, 2023 жылғы жазғы индустриялық мектеп аясында микрокредиттер мен микро біліктіліктерді пайдаланудағы университеттің табысты тәжірибесімен бөлісті.
Лия Лаури
Ринат Искаков
Барлық спикерлердің сөйлеген сөздері аудиторияда үлкен қызығушылық пен белсенді реакция тудырды, әрбір баяндамаға қойылған сұрақтар мен ескертулер Форумның тақырыптық бағытының даусыз өзектілігін растады.
Форум соңында жоғары оқу орындарының өкілдері IQAA президенті Шолпан Мұртазқызы Қаланованы және Агенттік ұжымын 15 жылдық мерейтойымен құттықтап, құттықтау сөздерін, гүл шоқтарын және естелік кәдесыйларын табыс етті.
Өз кезегінде, Агенттік атынан Форумның барлық қатысушыларына Агенттікке айнымастығы, жылы пікірлері мен тілектері үшін алғысымызды білдіреміз! Барлығына жоғары білім беру жүйесін дамытуда жаңа табыстар мен еліміздің өркендеуін тілейміз!
Форумның фотосуреттерін Агенттіктің Facebook-тегі ресми парақшасынан көруге болады.